Kosmetiskt PRP/i-PRF



Kosmetisk PRP/i-PRF er ein yngjandi og fyribyrgjandi kyknuviðgerð. Talan er um kollveltandi reparatiónsskipan, sum aktiverar og stimbrar stamkyknuaktivitet júst har, sum kroppinum tørvar


PRP/i-PRF (Platelet Rich Plasma/Fibrin) verður eisini nýtt innan ortopedi og ítróttarmedisin umframt tað estetiska. Felagsnevnarin er, at hetta er ein regenerativ viðgerð, ið brúkar tína egnu vakstrarmegi.


Viðgerðin er grundað á endurskapan av beinagrind, vøddum, feitti, húð og hári, ið alt er av avgerandi týdningi fyri okkara elding. PRP ávirkar fleiri regenerativar faktorar og stimbrar fibroplastkyknur, sum framleiða kollagen og elastin.


Hetta kann viðgerðin gera fyri teg

  • Minka linjur og rukkur í húðini

  • Festa leysa húð

  • Javna húðalitin

  • Minka poknur

  • Minka arr

  • Endurskapa húðina

  • Fáa sár at grøða

  • Stimbra vøkstri av beinagrind

  • Fyribyrgja hármissi og fáa hár at vaksa aftur

  • Minka um strekkmerkir (stria)

  • Bøta um sólskaðar

  • Minka posar undir eygunum

  • Fríðka hendur, knø og décolleté


Kosmetisk PRP-viðgerð verður ofta brúkt til andlit og háls, men kann eisini nýtast á øðrum økjum á kroppinum, har mett verður, at tørvur er fyri tí.


Hvussu gongur viðgerðin fyri seg?

Talan er um eina heilt natúrliga viðgerð, har títt egna blóð verður verður sentrifugerað , soleiðis at blóðpláturnar verða skildar frá, og síðani sprænt inn í økið, sum skal viðgerðast.


Húðin verður skannað áðrenn og eftir viðgerð. Soleiðis kunnu vit betur meta um viðgerðartørvin og eftirmeta úrslitið av viðgerðini.


Doyvandi krem verður lagt á húðina umleið hálvan tíma undan viðgerðini. Sjálv viðgerðin tekur umleið hálvan tíma.

PRP/i-PRF verður lagt inn í húðina við tunnari sproytunál ella stemplað inn í húðina við Dermapen (micro-needling). Oftast verða báðir viðgerðarhættir brúktir í eini viðgerð.


  • LED- ljósviðgerð beint eftir viðgerðina

  • Shockwave viðgerð + LED-ljósviðgerð 4 vikur eftir viðgerð

  • Skanning av húð og eftirmeting 8-12 vikur eftir viðgerð


Úrslitið av viðgerðini sæst best eftir 8-12 vikur, men sjónligur munur sæst ofta alt fyri eitt.


Hóskar viðgerðin til øll?

Ovurviðkvæmi er ikki at síggja og øll kunnu viðgerðast. Einastu bólkarnir, ið ikki kunnu viðgerðast, eru barnakonur og bløðarar.


Hvussu nógvar viðgerðir?

1-3 viðgerðir verða viðmæltar alt eftir, hvat útgangsstøðið er. Um tørvur er á fleiri viðgerðum, skulu helst ganga umleið 4-6 vikur millum viðgerðirnar.


Langtíðarárin av viðgerðini

Tá ið nøktandi úrslit eru staðfest av viðgerðini, heldur úrslitið sær í umleið 12-18 mánaðir.



SAMBAND

Suðurstíggjur 10

FO-160 Argir

+298 22 30 21

medcare@medcare.fo

Stovnað í 2010

Finn veg 

  • Facebook
  • Instagram

SAMSTARV

© 2019 MedCare | Heimasíða frá savna.fo