KUNNING OG RÁÐGEVING

eitt samstarv millum fakfólk og sjúkling

Okkara mál er at endurskapa og styrkja kroppin við próvgrundaðari viðgerð og tarna ávirkanini av sjúku, skaða og úrkynjan.

Raðfestingin í viðgerðarætlanini er í so stóran mun sum gjørligt grundað á stimbran av menniskjans egnu lekingarmøguleikum og kropsjavnvág.

Útgreinan, kunning, viðgerð og ráðgeving

Pero Sore, serlækni í intern medisin, reumatologi og Ítróttarmedisin og Siri Sore, Sjúkrarøktarfrøðingur og akupunktørur, hava stovna og reka viðgerðarstovuna MedCare.

MedCare hevur, síðani viðgerðarstovan varð sett á stovn í 2010, havt fokus á nágreiniliga kanning og útgreinan, soleiðis at vit hava best møguliga vitanargrundarlagið undir okkara viðgerðum. Ein neyv diagnosa er avgerandi grundarlagið fyri at veita røttu viðgerð og ráðgeving.

Vit leggja stóran dent á at veita neyva kunning og ráðgeving um sjúku, skaða, fyribyrging og viðgerðargongd. At finna fram til sjúkueyðkenni og at viðgera sjúku er ein tilgongd, sum setur krøv til samstarvið millum fakfólk og sjúkling.

Okkara royndir vísa, at sjúklingurin fær bestu úrslit, um hann hevur ein forvirknan leiklut í sambandi við egna sjúku ella skaða, og í sambandi við fyribyrging og viðgerð.

Hetta krevur neyva kunning og ráðgeving, sum er lagað beinleiðis til tann einstaka.

Við okkara dugnaligu serfrøðingum, samstarvsfelagum og nýggjastu viðgerðar- og kanningartøkni, kunnu vit veita optimalar kliniskar kanningar og viðgerðir innan fleiri serøkir.

Okkara heilsufakliga netverk