MEDCARE HEILSUKANNINGAR

SUNNARI LÍVSSTÍL, FÆRRI SJÚKRADAGAR OG STØRRI LÍVSGLEÐI

MedCare bjóðar fyribyrgjandi heilsukanningar til fyritøkur og einstaklingar, gjørdar av serlæknum og sjúkrarøktarfrøðingum við drúgvum heilsufakligum royndum.

Ein heilsu- og lívsstílkanning kann geva eina ábending um, hvussu tín lívsstílur ávirkar teg og tín kropp, og við vegleiðing vera eitt amboð til at skapa nýggjar vanar. Heilsukanningin staðfestir ella avváttar ikki sjúku, men gevur eitt innlit í tína heilsustøðu og er við til at avdúka heilsuvandar og ein óhepnan lívsstíl.

Kanning á fyritøkuni

Vit koma út á tína fyritøku at gera heilsukanningar og veita heilsufakliga vegleiðing og ráðgeving til leiðslu og starvsfólk.

Heilsukanningar kunnu samansetast og tillagast eftir tørvinum á arbeiðsplássinum og um ávís ynski eru, finna vit eina loysn.

Í samband við heilsukanningar fáa øll starvsfólk útskrift av kanningarúrslitum og vegleiðing. Ein frágreiðing verður latin starvsfólkinum við viðmerkingum og tilmælum saman við heilsufaldara við frágreiðingum um einstøku mátingarnar.

Starvsfólk sum gera Heilsuprofilkanning fáa harumframt útskrift av heilsuhjóli og útroknað heilsutal.

Heilsuprofilurin

Heilsuprofilurin er ein nágreinilig støðulýsing av heilsustøðuni hjá starvsfólkunum. Profilurin inniheldur eitt heilsutal, heilsuhjólið og 15 heilsuparametrar.

Heilsukanningin kann eitt nú brúkast í samband við heilsufremjandi tiltøk. Við regluligum kanningum sæst, um støðan broytist yvir tíð.

Síggj dømi um heilsuprofil

heilsukanningar til fyritøkur

Heilsukanning Basis, Heilsukanning Basis+ og Heilsuprofilur verða gjørdar hjá fyritøkuni, meðan Heilsukanning Stór verður gjørd í MedCare klinikkini.

Møguleiki er at samanseta kanningar eftir ynski og tørvi. Set teg í samband við okkum fyri at hoyra nærri um prísir og møguleikar

Gynækologisk kanning/UL-skanning hjá serlækna (tilval til Heilsukanning Stór))

Fyrilestur & Verkstova

Endamálið er at betra um arbeiðsgleðina, sleppa undan strongd og økja um avrikini.

Vit bjóða fyritøkum og stovnum fyrilestur, verkstovur og skeið við roynda sálarfrøðinginum Kristian Eli Andersen, sum er partur av MedCare netverkinum

Kristian Eli Andersen, heldur javnan verkstovur og fyrilestrar fyri fyritøkum, stovnum og arbeiðsplássum kring landið.

Verkstovan er til smærri ella størri bólkar og varðir 3 tímar, har undirvíst verður í ítøkiligum amboðum og mentalum førleikum, sum starvsfólk sjálvi kunnu gera sær dalt av til at betra um arbeiðsgleðina, sleppa undan strongd og økja um avrikini.

Møguleiki er eisini fyri at velja skeið, ið varða longri, ella ein fyrilestur sum varðir umleið 1 tíma.

Set teg í samband við okkum