Dermapen®/Micro-Needling



Við Dermapen 4 bjóða vit mest framkomnu og nýskapandi tøkni innan medisinska mikro-needling viðgerð


Hvat er mikro needling?

Micro-needling er ein viðgerðarháttur, sum á sera munadyggan hátt betrar um húðgóðskuna. Til viðgerðina verður nýtt eitt elektroniskt tól, ein dermapennur við 16 heilt fínum nálum, sum prika eina mongd av heilt smáum holum í húðina. Holini virka sum kanalir, sum geva atgongd til tey djúpru løgini av húðini. Dýpdin verður tillagað eftir, hvat økið á kroppinum verður viðgjørt, og hvønn trupulleika vit viðgerða. Stutta tíð eftir viðgerðina latast holini í húðini aftur og gera ikki sár á húðina.


Viðgerðin viðførir ein "kontrolleraðan skaða" sum stimbrar húðina, ávirkar fleiri regenerativar faktorar og stimbrar fibroplastkyknum til m.a, at framleiða nýtt kollagen og elastin í húðini.


.Viðgerð til allan kroppin

  • Fínar linjur

  • Rukkur

  • Stórar poknur

  • Hyperpigmentering

  • Sólskaðar

  • Strekkmerki

  • Leysa húð

  • Akni arr

  • Arr*

*Hevur serfunktión til viðgerð av arvevnaði.


Umframt at viðgerða andlit, háls og décolleté, er eisini møguligt at viðgerða eitt nú búk, knø og leysa húð innanlærs og á ørmum.


Viðgerðin

Doyvandi krem verður lagt á húðina umleið hálvan tíma undan viðgerðini. Áðrenn viðgerðin byrjar, verður eitt hyaluronríkt gel lagt á húðina, sum inniheldur virkin evni lagað til viðgerðartørvin.


Eftir viðgerðinna kann húðin vera nakað reyð og ein kølandi og fuktgevandi maska verður løgd á húðina.


Tað er ymiskt, hvussu nógvum viðgerðum tørvur er á. Tað veldst eitt nú um hvussu húðin er og hvørjir húðtrupuleikarnir eru.


Vanligt er við umleið 2-6 viðgerðum við 4-6 vikur millumbilum.


Umráðandi er at nýta krem við faktor 50 í 2-3 vikur eftir viðgerð.


Úrslit

Eftir 1-2 vikum kunnu jalig úrslit síggjast av viðgerðini, men tað tekur umleið 6-8 vikur áðrenn metast kann um endaliga úrslitið.

Micro-needling kann við sera góðum virknaði kombinerast við aðrar viðgerðir, eitt nú PRP/i-PRF vidgerðir.

Sí prísir >


SAMBAND

Suðurstíggjur 10

FO-160 Argir

+298 22 30 21

medcare@medcare.fo

Stovnað í 2010

Finn veg 

  • Facebook
  • Instagram

SAMSTARV

© 2019 MedCare | Heimasíða frá savna.fo